Mbica ya mauthiu ma andu akenu nio turacemania nayo iturari ria karuagi sublocation ya Itabua gicigo mbunge kia Manyatta kauntiri ya Embu vuva wa aturi a mwena ucio kurimirua njira iria mathiicagira mwena ucio na iria iratwikite kigio kuri oo.
Ekari aya matithithite gikeno kiao varia macokeretie atongoria ao ngatho niundu wa kumathodekera njira iyo. Maugite makoretwe makithiira tucangiriri twa njira cia kithakari kuma riria nthi yaumbirwe.
Kunari uguo, maugite wanathengia wa kurimirua njira iyo gitangiko kiao gitiri kirakinya muthia nikwona varavara iyo itirikitie kuthodekwa, na kuga kengi nimararuara mirimu iria yumanaga na rukungu nikwona njira iyo iri na rukungu rwingi muno.
Na riu ivoya ria ekari aya kuri atongoria ao ni kumathiriria kumathodekera varavara iyo wa undumwe na kumekirira murram niguo gitangiko kiao gikinye muthia.
Mwende Jackie
