Minista wa ugitiri wa ndari ya vururi Fred Matiang’i niwaniririte mitaratara iria ikuthiria thagathatha kauntiri ya Laikipia.
Matiangi nuthodekete gituo giceru kia maavitha a kumatia ugitiri kana police reservist mwena wa Ol Moran kuria gugakoragwa na maavitha engi a kumatia ugitiri .
Wauguo niwiririte kwambiriria gituo gia kuthomithia maavitha a vorithi kauntiri ya Laikipia.
Na vau kavere thirikari niyathondekete subcounty ya Kirima niguo kurumbuiya uvaguki wa ugitiri uria wonekaga mavida kwa mavida .
Riu Ol Moran igakoragwa iri headquarters ya Kirima subcounty .
Wavo Matiangi aniririte station igiri cia vorithi niigukorwa ikiretwa thiini wa icigo iria eki nai makoretwe makitharikira .
Matiang’i ongererete nimagukorwa makiaraniria na nvonge ngurani niguo kumenya uria makurumbuiya Laikipia Conservancy iria ikoretwe iri kiumo kia mbara guku varia augite thirikari nigukorwa ikivecana irio manji, mirengeti na mikondoro kuri andu aria matari na mekaro.
Nacio cukuru kauntiri ino, Matiang’i augite ikavingurua muthenya wa Jumatatu tariki 13 mweri wa kenda varia maavitha a vorithi maathitwe kugitira arutwa .
Wanja wa Njiru
Mbica irutitwe online
