Mutongoria wa vururiri Rais Uhuru Kenyatta niuvecanite bathi ikumi kuri cukuru cia secondari na ikundi itiganite vururiri ari vamwe na Catholic Women Asssociation (CWA) a diocesE ya Maralal wa udumwe na kiravu kia muvira kia Marafiki kauntiri ya Nyeri.
Bathi cia cukuru ivecanitwe kuri cukuru cia Tumutumu school for the deaf iria iri kauntiri ya Nyeri ,cukuru wa secondary wa Marifano kaunti ya Tana river, cukuru wa secondary wa eritu wa Achego kauntiri ya Kisumu cukuru wa secondary wa Olirukuti kauntiri ya Narok.
Cukuru ciingi ivetwe bathi ni cukuru wa secondary wa Rukanga kauntiri ya Kirinyaga , Mnagei wa west pokot, AIC MOI wa Maralal wa undumwe na cukuru wa secondary wa Kisima wa kaunti ya Samburu.
Woguo Mutongoria wa vururiri niuvecanite ngunika kanua na maniuru kuri cukuru ino niguo gutethereria kurua na murimu wa covid 19 .
Mutongoria wa vururi aniririte uvecani wa mbathi ino ari nthigirari wa iregi Nairobi thiini wa mucemanio uria urekinyitwe ni atongoria matiganite a giuteti ari vamwe na mwenegiti wa aria engi mbungeri ya senate Samuel Poghisio , na mumbunge wa Samburu Maison Leshoomo.
Engi marekinyitie mucemanio uyu ni Mumbunge wa Samburu West Naisula Lesuuda, Ali Wario (Garsen), Kanini Kega (Kieni), Ngunjiri Wambugu (Nyeri Town), James K’Oyoo (Muhoroni), Kabinga Wathayo (Mwea) and Gichuki Mugambi (Othaya) wa undumwe na arimu na ciana kuma cukuru iria ciamukirite utethio wa bathi.
Mbica irutitwe online
Mwende Jackie
