Guku mithenya ikigaukaga wa muthenya na kithurano kinene Kia mwaka wa 2022 gigikuvagiriria, ateti ngurani nimathiite na mbere na kwiyumiria guku makiyanirira iti iria maramereria mata.
Wavakuvi kwanirira itanya riake ni speaker wa mbunge ya vururi Justin Bidan Muturi uria waniririte itanya riake ria kuvuranira urais wa vururi akiuga niukurite giuteti kuvota gutongoria vururi uyu wa kenya.
Makiria Muturi niwaniririte itanya ria kuthondeka gwa kiama cia uteti kia Mt Kenya ya irathiro guku akimurika ati ciama nyingi cia uteti ikoragwa na kiumo giakio .
Miario ya muturi igwatitwe mbaru ni mumbunge wa mbeere north Charles Muriuki Njagagua uria ugite Muturi akoretwe arike wa kathatu uneneri guku vururiri va miaka ikumi na makiria akiorota kavinda karia muturi atigiritwe utongoria vuva wa rais na munini wake kuthii magambori maria mamagumirite ICC.
Makiria itanya ria muturi ria kuvuranira urais rikigwatwa mbaru ni maspeaker ma mbunge cia kaunty na varia speaker wa mbunge ya kaunty ya Embu Josiah Thiriku akigweta Muturi ta mutongoria njamba uria utangiteithia andu ake mukinyo.
Wauguo uria wari senator wa Embu Lenny Kivuti nugwatite mbaru Muturi
Wanja wa Njiru
Mbica irutitwe online
