Ni gikeno kia murutwa wa wonthe gukinyaniria kiroto giake gia gutwika mundu uri na umithio muturireri kuvitukira kuthii nambere na kithomo giake vuva wa gwika wega mathomori nwati gikeno giki gitionekanite kuri Florence Murugi kuma iturari ria Makumbiri wardiri ya Gaturi South gicigo mbunge kia Manyatta kauntiri ya Embu niundu wa gutura vici.
Murugi ni murutwa urathomagira cukururi wa Kanguru Girls high uria urarikirie mwaka muthiru wa 2020 na vuva wa kwirutaniria agwata grade ya B plus ya point 72 nwati gikeno giki nikithirite vuva wa gutura vici ya kumutwara cukuru iria etitwe ya University of Nairobi.
Ng’ina Catherine Njiru uria nike muciari tu niugite niugeretie uria angithomithia mwana uyu nwati nikuumanirie viu na mwana uyu avatie gwikinyia cukuru tariki 20 mweri uyu wa Kenda.
Murugi niucoketie ngatho niundu wa muvango wa Wings to Fly uria uri rungu rwa Equity group na Mastercard Foundation niundu wa kumugwatirira na kumuthomithia secondary yonthe.
Riu nimavoete atongoria kauntiri ya Embu na mundu wa wonthe wa wendi mwega kumatethereria niguo Murugi avote gukinyaniria kiroto giake.
Utethio waku wa wonthe nimwamukire na ngoro ntheru niguo kioneki giki gitikaurire nthi kuvitukira thimu 0790 539 878 kana 0711 214 263 kana waraniria na mutambo wa Kimuri FM kuvitukira 0798 506 673.
-Mbuya Ngari-
