Raisi wa vururi wa South Africa Cyril Ramaphosa niwaniririte kuregeria imwe ya mikana iria irekiritwe ya kurigiriria gutamba gwa Corona Virus.
Raisi Ramaphosa augite nundu wa kuthii nthi kwa namba ya aria maronekana na Covid 19 mathaa ma mwiugo maria makoretwe kuo nimagukorwa makinyivua na micemanio ya andu engi niigukorwa igitikirua vamwe na kuthengutua kwa mukana wa kurigiriria kuvingurua kwa iravu.
Wauguo augite njanjo iri kuo, varia auritie mwingi kwiyumiria na kumundwa njanjo ya Covid 19.
Gatagati ka andu atano mundu umwe ni mumunde dose cionthe cia njanjo ino vururiri wa South Africa noguo vururi uyu kwandikithia gicuji kinene kia aria mamunditwe njanjo ya covid 19 gitaruri kia Africa.
Kunari uguo vururi uyu nuvutitue na njira nene ni murimu wa Covid 19 varia wandikithitie ikuo ngiri 85,000 kuumana na virus cia corona .
Wanja wa Njiru
Mbica irutitwe online
