Maavitha a vorithi kauntiri ya Homabay nimambiriritie gucarania na uria wari avitha wa mbiraru na uria wikuiritwe kuuraga nyina wa ukuru wa miaka 91 vuva wa gukorwa na ngucanio cia mugunda, Locationiri ya Kamagak kaunti nini ya Rachuonyo.
Mundumurume uyu, ekuiritwe gukorwa amundire nyina uria uramenyekana ta Hellen Ajwang na gucangirira gikuo giake vuva wa kugucaniria mugunda uria mwene akuite .
Kwirikite mundumurume uyu uria watungataga ta avitha wa mbiraru vururiri wa Tanzania makoretwe na ngucanio ya kavida kanene na nyina wake iguru ria mugunda ucio.
Mundumurume uyu akoretwe ata gucera kwao mucii vari kavida ka mwaka umwe nwati riria aracokire nivo marambiriria thagathaga iigie mugunda uyu na amunda nyina na kaviu kiongori na kithuriri na kumuraga .
Giko giki nigikiritwe mukonde ni commander wa vorithi Rachuonyo subcounty Lilies Wachira uria ugite mutumia ucio akuire aviritwe thivitari kwamukira urigiti.
Wauguo Wachira augite mundumurume uyu nutorokete vuva wa giko giki varia ekuiritwe gukorwa atorokerete vururiri wa Tanzania kuria arutagira wira
Riu giko giki kirathuthurua ni DCI .
Wanja wa Njiru
Mbica irutitwe online
