Wariria yura rithiite nambere na kugumira ekari miena ngurani vururiri , Ekari a wardi ya Kiambere kauntiri ya Embu nimauritie kuvewa utethio ni thirikari nikwona irio ciao itinakura nundu wa kunyiva kwa mbura .
Riu ekari aya na aria mari thiini wa muvango wa Kiambere ward CBO maugite makoretwe magieterera mbeca nini iria magicaga kuumana na kwendia muthanga.
Euphrith Muthoni mwikari wa Kiambere augite magirirue gucarirua kivonia kia thina wa yura mwena uyu ni kwona maketha guku monekaga kuringana na mbura na riu mevokete mbura ya mweri wa ikumi ,wa ikumi na umwe na mweri wa Desember varia mataramenya kana mbura ino niikura .
Kuringana na murungamiriri wa CBO ya Kiambere Lenny Masters Mwaniki uria nwake MCA wa guku augite mbeca imwe iria ciumanite na muthanga itumikite gwaka maternity ya Mutuavare na kureta miradi ya manji macukururi na varia augite nimagairite amemba mbeca iria ikumatethereria, nwati kuria thirikari gutethereria ekari ni kwona nimagumiritwe ni maurito mengi .
Muvango uyu wa CBO wavo nukumitue nikuvotithia kuriva ngiri 550,000 cia bursary na gutethereria ciana iria itari na aciari wardiri ya Kiambere .
Wanja wa Njiru
Mbica irutitwe online
