Kuthundurua na kwambiria gutumika kwa mutaratara muceru wa kithomo wa CBC Niundu uthiite nambere na gututhura mawoni ngurani . Mutaratara uyu ugikenererua ni aciari amwe na engi kuuga nukoretwe wi murigo muriti muno nundu wa indo iria iravatarika.
Aria mari thiini wa matauni makaite ni kwona indo iria arutwa maretua cukururi ni undu mumu muno guciona tauniri.
Kuringana na Caroline Njeru uria ni mwikari wa tauniri augite ciana ikoretwe igiitua kingenyo kana muthetu uria utaronekana na uvuthu matauniri, miario yake ikinyitwa mbaru ni Lewis mugendi uria ugite ciana gwitua indo ta ino ni murigo murito kwi aciari .
Riu medekithitie ruvonge rwa kithomo kuroria mauritio ma ekari a matauni niguo ciana ciao itigatigwe na vuva mutaratarari uyu na indo iria magwitua cionekana na uvuthu .
Kunari uguo aria mari icagiri makumitie mutaratara uyu na kuuga nuwambiriritie guciara matunda maro na matirona urito wa wonthe wa CBC .
Wauguo makiuria aciari ari mari matauniri gukorwa matakuvurana na mutaratara wa CBC.
Thirikari riu yuritue gutigirira wigananu niwonekana mutaratara wa CBC niguo ciana iria iri gicagiri na matauniriri makorwe mari egananie .
Ino yukite wariria ambunge mauritie ruvonge rwa kuramata mutaratara wa kithomo KICD kumurika mateta maria makinyitue meggie mutaratara wa kithomo wa CBC.
Wanja wa Njiru
Mbica irutitwe online
