Minista wa kithomo professa George Magoha numenereretie aria makoretwe makiorota mutaratara wa kithomo wa CBC varia augite thirikari ndiracoka na vuva itanyari ria gutigirira CBC niyathii nambere.
Magoha augite aria makoretwe magiciria mutaratara uyu nugukinya muthia ni kwa mararota varia augite CBC ni mutaratara uretete moogaruruku mega.
Magoha aritie kirauko kia umunthi vindi ya mucemanio na anyiti itemi ruvongeri rwa kithomo kwaririria maundu maria makoretwe makimurikwa mathomori ma CBC.
Wauguo akivecana mwerekera kuri arimu gukorwa matakuria arutwa gucavithia maratathi .
Magoha nureganite na mateta maria makoretwe kuo makiuga CBC niratumira mbeca nyiingi na kuva aciari wira mwingi varia augite CBC nwaikorwe na maurito nwati nimakurumbuuwa. Noguo kuria aciari kuthiyi nambere na gutethereria ciana ciao mathomori mama .
Magoha augite ciana million 5 niithite nambere na gukenerera CBC noguo andu matiagirirue gukirira mutaratara ucio.
Kiumia kivituku raisi wa kiama kia mawakili Nelson Havi niwanirire niagukorwa akiandikithia mateta igotiri , akimurika CBC varia augire kithomo gitiagirirue gukorwa gigitumira mbeca nyiingi.
Wanja wa Njiru
Mbica irutitwe online
