Maavitha a vorithi kauntiri ya Kisumu nimaikitie ngono uria uravetwe kandarathi ya gwaka nyomba ya ngorova igiri, iria iromomokire muthenya wa igoro mwena wa Mamboleo kauntiri ya Kisumu na kuuraga andu athatu.
Mwene nyomba ino ndaramenyekana kuria ari na maavitha a vorithi nimaracarania nake.
Kuringana na maavitha a vorithi, Gilbert Aono uria urari mwaki wa nyomba ino araikirue ngono na avingirua station ya vorithi ya Kondele na evoketwe gukinyua igotiri muthenya wa umunthi.
Nayo miiri ya andu athatu aria marakuire niimenyekanite ari ni Victor Odhiambo wa ukuru wa miaka 29,Florence Odhiambo wa ukuru wa miaka 25 na Beatrice Awuor wa ukuru wa miaka 30 varia miiri yao iviritwe morcari ya Jaramogi Oginga Odinga.
Kuvonokua kwa aria marai nyombari ino kurakinyire muthia kivwai kia igoro varia maavitha maugite gutiri na mundu wingi urathikanitue nyombari ino.
Kuringana na aria mareyonere maugite aruti wira marari nyombari ino riria irambiririe kwomomoka nwati engi nimaravotire kwithara .
Wanja wa Njiru
Mbica irutitwe online
