Minister wa kithomo professa George Magoha niuritue gutia akenya na makiria aciari aria mari na ciana iria iri kithomori giki giceru gia CBC. Ino ni miario yaritue ni Taratisio Kawe uria ni muteteri wa ivoto cia mwingi varia augite kithomo giki kivatie kurumbuiya arutwa onthe na njira igananite niundu arutwa ama maumite micii ngurani.
Kawe augite ciana imwe ciumite miciiri iria aciari matari athomu, imwe ciikaraga na ang’ina na imwe igekara miciiri ya ciana cia ndwiga na uguo mawira mamwe maravecanwa ta homework matingivotekeka. Wavo augite arutwa amwe maumite micii itari na thitima na uguo marumbuuwe na njira iria yagiririkite.
Augite akenya amwe meeciritie ni kithomo gikarumbuiya taranda iria mwana ari nayo nwati ti kuthutukania aria matari na uvoti wa gukinyaniria mavata ma kithomo giki giceru.
Kawe auritie Magoha kwiganania ciana ino na kureta ugaruruku mwaro wa kithomo niguo kithomo kiao kivote kumatethie mithenyari yukite.
Miario ino yukite vuva wa proffesa Magoha muthenya wa igoro kuga system ino njeru ya kithomo ndingitecanirua niundu wa mateta maria makoretwe makiigwika ma gukanyirirua kwa arutwa na aciari makiria ndetori ciigie wira wa kurutira mucii kana homework.
Magoha ongererete na kuga mathina maria maronekana CBCiri ino njeru makathira wa kavora wa uguo maundu mathiite na mbere.
Mbica irutitwe online
-Mbuya Ngari-
