Uria wari minista wa ugima wa mwiri Democratic Republic Of Congo ndagitari Eteni Longondo nurekereretue vuva wa gukorwa avingiritie mithenya 17 njerari nene ya Kinshasha .
Kuringana na wakili Hugues Pulusi mutongoria uyu ararekererue na bail muthenya wa igoro .
Eteni akuruvanitue na gukorwa aiiyite mbeca iria ciari itumika kurua na murimu wa Covid 19 riria ari oficiri gatagati ga tariki 9 mwaka wa 2019 na tariki 28 mweri wa kana mwakari.
Mutongoria uyu atuirirue kiovo tariki 27 mweri wa kanana vuva wa ciira kuthikirirua vari kavida ka mathaa 5 .
Kunari uguo akoretwe akiregana na nguruvanio ino .
Kwambirirua kuthikirirua gwa ciira uyu ringi gutituitwe.
Uria wari gituruari kia minista wa ugima wa mwiri mbere ya Eteni kugukuma giturwari giki wanake athiite nambere na gutumikira kiovo kia miaka 5 vuva wake kwonekana na mavitia ma gutumira naii mbeca iria ciari itumike kuvurana na murimu wa Ebola.
Wanja wa Njiru
Mbica irutitwe online
