Muungano wa kuramata wonjoria COTU niureganite na kwongererwa kwa mbei ya maguta na kuria thirikari gucutha njira ciingi cia gucutha goti makiria.
Thiini wa ndumiriri iria irekereretue umunthi, mwandiki munene wa COTU Francis Atwoli niuritie rais Uhuru Kenyatta kwereithia ikinyo riri ria ruvonge rwa kuramata mbei ya maguta EPRA ria kwongerera mbei ino.
Atwoli augite Cotu mararirikania rais ati akenya nimarathinika kumana na mathina maria maretetwe ni murimu wa covid-19 na ndavatie gukira riria akenya marakanyirirua makiria ni ciungano itiganite ta EPRA.
Augite kwongerera mbei ya maguta gugatuma mbei ya indo ino ciingi kwongerereka.
EPRA yongererete mbei ya super petrol na ciringi 7.58 vari lita, diesel ikionderereka na ciringi 7.94 vari lita namo maguta ma taa makiongerereka na ciringi 12.97 vari lita.
Mbica irutitwe online
-Mbuya Ngari-
