Vuva wa arutwa a course cia umemerekia na ukinyaniria gukorwa makivitukira kavinda karito riria maracaria mieke ya kuthoma nyombari cia umemerekia (attachments), riu ruvonge ruria rurugamagirira maundu ma umemerekia na ukinyaniria niruo Media Council Of Kenya niruthundirite mutaratara uria ugatigagiria arutwa nimaregwatira mieke ino na njira ya mvuthu.
Akiaria ai mucemaniori wa kuthundura mutaratara uyu avitha munene wa ruvonge ruru David Omwoyo augite niwonete uria arutwa mavitukagira kavinda karito na ni kio auritie anyiti etemi a umemerekia na ukinyaniria magwatanire gutigirira arutwa aya nimaregwatira mieke ya kuthoma kwa uvuthu.
Niathiite na mbere kuuga magakoragwa makiva arutwa aya kigiina kia ngiri 10 wa mweri kia kwirugamirira kavinda karia marathoma na wauguo auria nyomba cia umemerekia itigakorwe igikanyiriria arutwa aria maravoya mieke ya kuthoma na njira ya kumetia mbeca.
Mwenari wake Minista wa ukinyaniria Joseph Mucheru niauritie nyomba cia umemerekia na ukinyaniria kugwata mutaratara uyu mbaru niguo gutigirira vururi wiina amemerekia aya akinyaniru ikiro cia kumemerekia na wauguo auga Media Council of Kenya niikuthiii na mbere kugitirwa ni ministry ya ukinyaniria niguo irute wira wayo itagutinyererwa.
Mbica irutitwe online
Njagi Ndathi
