Vururiri wa kenya wandikithitie aruaru aceru 444 a murimu wa covid 19 muthenya wa umunthi namba iria yumite kuma kuri ithimi ngiri mugwaja , magana matano ma ikumi na kimwe iria ciikitwe rungu rwa mathaa mirongo iiri na manna mavituku na gukinyia namba ya aria manyitikanite na murimu wa covid 19 vururiri iri ngiri mugwaja , magana matano ma ikumi na umwe .
Kuringana na ministry ya ugima wa mwiri namba ya aruaru a covid 19 ikinyite gicuji kia 5.9 vari igana .
Kuma kuri namba ya umunthi akenya ni 430, 14 maumite nja ya vururiri , 242 ni anduarume nao atumia mari 202 , uria munini muno ai mwana wa ciumia ithatu nake uria mukuru muno aina ukuru wa miaka 90.
Kuma riria murimu wa covid 19 watuthukire vururiri ithimi iria ciikitwe ikinyite millioni ingiri , ngiri magana manna ma mirongo inana na ithathatu , magana mathatu ma mirongo ithatu na kimwe.
Thiini wa kaunti iria ciandikithitie aruaru kaunti ya Nairobo niyo itongoretie na aruaru 138 ikirumirirua ni Naikuru 36, Meru 34 Kiambu 28,Uasin Gishu 27, Nyandarua 22, Embu 16, Makueni 11, Kirinyaga 10, Tharaka Nithi 10, Machakos 9, Kajiado 9, Kitui 8, Murang’a 8, Nyeri 8, Baringo 7, Kericho 6, Elgeyo Marakwet 6, Garissa 6, Marsabit 5, Kakamega 4, Kisii 4, Wajir 4, Laikipia 4, Nandi 4, Narok 3, Kisumu 3, Isiolo 3, Siaya 2, Mombasa 2, West Pokot 1, Kilifi 1 Mandera 1, Trans Nzoia 1, Nyamira 1, Homa Bay 1 na Busia 1.
Kunariuguo andu 700 nimavorete murimu wa covid 19 umunthi na gukinyia namba ya aria mavorete vururiri iri ngiri magana mairi ma mirongo ithatu na atandatu , igana rimwe ria mirongo itandatu na kenda .
Ikuuo inya nicianiriritwe varia gikuo kimwe kionekanite rungu rwa mathaa mirongo iiri na manna mavituku na ikuo 3 ikianirirua iri ikuo njerere namba ya ikuo ikinyite ngiri inya , magana kenda ma mirongo itandatu na ithano.
Mbica irutitwe online
Mwende Jackie
