Muvujia umwe ni gatagati ga ekuirwa athatu aria maikitue ngono magikuruvanua na ciiko cia wiyii iria ikoretwe igikika tauniri ya Nambale kauntiri ya Busia.
Kuringana na maavitha a uthuthuria wa wiki nai DCI ekuirwa aya maikitue ngono vuva wa gukorwa magicaranua nao niguo kuvurana na wiyii uria utheremete muno tauniri ino.
Ekuirwa aya aria maramenyekana ta Maviala Shisanya, wa ukuru wa miaka 34, Ojuma wa ukuru wa miaka 32 na Nicholas Mabiala wa ukuru wa miaka 32 maikirue ngono mari tauniri ya Bungoma na gukinyua station ya vorithi ya Nambale niguo kuthuthurua makiria.
Wavo ekuirua aya nimavirite maavitha a vorithi kuria indo cia wiyi ikoretwe ikithithua varia mitungi ya gas na thimu inyitikanite .
Wauguo mutumia wa ukuru wa miaka 24 niwikitue ngono vuva wa kunyitikana na mutungi wa gas uria uraiitwe .
Ekuirwa aya mevoketwe gukinyua igotiri na kuthitangwa na wiyii magitumira vinya, ino ni kuringana na DCI.
Wanja wa Njiru
Mbica irutitwe online
