Vuva wa thirikari kuvitukira ruvonge rwa kithomo kwendikithia arimu aria mathomete course ya kuthomithia cukururi cia mucingi nio P1 gucoka cukuru na gwiika course ingi ya diploma, riu muteteri wa ivoto cia mwingi Taratisio Ireri Kawe niakumite wamuri uyu.
Niauritie ambunge a mbunge ya kivururi na iria ingi ya senate magwatanire gitigirira arutwa aya a warimu matirakanyirirua makirwa marive fees ya 60,000 wa term.
Niathiite na mbere kuuria thirikari ikorwe ikirivira arutwa aya fees ya kuthoma diploma kwona tikwenda kwao gukorwa matindikwa na certificate cia P1 tauria matanyite na kwoguo ni kumakanyiriria kumera makorwe makiriva kuthoma course ingi ya diploma na matatethekete na P1.
Kawe niauritie mutongoria wa vururi Uhuru Kenyatta ndagetikire arutwa aya makorwe magikanyirirua niguo kuvotithia kutherema kwa mutaratara wa CBC tundo arimu aya magakorwa mathomete uugi wa mataratara uyu muceru wa mathomo.
Mbica irutitwe online
Njagi Ndathi
