Aruti wira kampuniri ya manji ya EWASCO nimavecanite mukana wa kwiga miiro nthi na gutiga kuvecana manji makiuga nimakoretwe makingirirua muno ni board ,thiini wa uruti wira wao.
Matongoretue ni mwenegiti wa muungano wa aruti wira a county ruvua rwa Ewasco Godfrey Kirimi maugite board, ikoretwe ikingirira urungamiriri wa kampuni ino ya manji undu ukoretwe ukivutia utambia wa manji.
Riu mavete board ino mithenya 3 gukorwa matigite kwingirira urungamiriri wa EWASCO kana matige kuruta wira.
Wauguo aruti wira maugite kuri na andu amwe meyumiritie makieda gwoca utongoria niguo magunike oo ene,na makoretwe makimurika aruti wira aria mararegana na muvango wao wa kwiguna ta andu kiumbe.
Wavo amemba a board morotetwe ni gukirira murungamiriri wa kampuni ino ya manji nigukorwa nureganite na uria marenda .
Kunari uguo mwenegiti wa board ino ndagitari Njagi Njoka nureganite na mateta mama varia augite board ndikoretwe igitonyerera kampuni ya manji ya Ewasco na gutiri muruti wira uvutitwe wira .
Wanja wa Njiru
Mbica irutitwe online
