Kumana na giko kia mutwarithia umwe wa nduthi kuragwa na nduthi yake kwiwa undu uria ucangiririte mirurungano ya atwarithia a nduthi, riu atwarithia aya a nduthi nimarakinyiriria nvonge cia ugitiri kugaciria ugitiri wao na makiria gwocera makinyo ma kiwatho aria makoretwe magika ciiko ino.
Kuringana na atwarithia aya a nduthi, makoretwe magitwara mateta mao kuri nvonge cia ugitiri vuva wa andu makiria ya athatu kuragwa na vivi viki ciao kwiwa kavindari ka miaka iri mivituku mwena wa thoko ya Ishiara iria iri ward ya Evurori gicigo mbunge Kia mbeere ya iguru nwati gukinyagia riiu gutiri mundu wamatitwe kana gwocerua makinyo ma kiwatho.
Vuva wa gikaro kiria kiratavanitue ni nvonge cia ugitiri na atongoria a ciama cia nduthi, Dcc wa mbeere ya iguru Lucy Ndemo niuritie atwarithia aya a nduthi gukorwa na wetereri na kuva thirikari kavinda ga gwika utuiria na kwamata aria magerete ngero ino.
Wavo Ndemo nutarite atwarithia a nduthi gukorwa makithondeka ikundi na iria makiria ikamatethereria gukorwa makimenya, makinyo maria magatethereria kumatia ugitiri.
Kaari wa Mugendi
Mbica irutitue online
