Senator wa Baringo Gideon Moi niuritie thirikari kuramata mbei ya maguta iria itumite mirurungano itiganite vururiri uyu wa Kenya.
Akiaria ari Moiben kauntiri ya Uasin Gishu umunthi, Moi atarite thirikari gwikira mitaratara iria ikavonokia akenya kumana na kurivira mbeca nyingi indo itiganite cia kuvirithia nambere muturire.
Ni miario aritiue ari iturari ria Kapsubere indi ya mathiko ma Susana Gogo Tiren uria ni ng’ina wa mumbunge wa Moiben Silas Tiren.
Moi athiite nambere kuga kwambatira kwa mbei ya maguta mama nikuvutitie akenya na njira njuku niundu thogora wa indo ciingi cionthe niwambiriritie kuvanda.
Muthenya wa Jumaine tariki 14 mweri uyu wa kenda, ruvonge rwa kuramata mbei ya maguta EPRA nimaanirire kwongorereka kwa mbei ya super petrol na ciringi 7.58 vari lita, diesel ikiongerereka na ciringi 7.94 vari lita namo maguta ma taa makiongerereka na ciringi 12.97 vari lita.
Muthenya wa Jumatano ekari a Migori nimarurunganire magikuma kwambatira kwa mbei ya maguta mama wariria akenya matiganite na anyiti itemi ngurani mathiite nambere gukuma ndeto ino.
Mbica irutitwe online
-Mbuya Ngari-
