Gicunji kia aria monekanite na murimu wa Covid-19 gikinyite 6.5 vari igana, ino ni vuva ya arwaru engi aceru 515 kuonekana naguo umunthi vuva ya ithimi 7,981.
Ruvonge rwa ugima wa mwiri nirugite namba ya aria monekanite na Covid-19 guku vururiri makinyite 246,296 nacio ithimi iria ciekitue kuuma riria wakinyire guku vururiri ni 2,494,312.
Akenya ni 488 naao 27 maumite nja ya vururi. 279 ni anduarume naao atumia 236 na varia uria munini muno ni mwana wa mieri iina na uria mukuru aina miaka 102.
Kaunti ya Nairobi nwayo itongeretie iina arwaru, Nyeri 57, Baringo 37, Nakuru 34, Kisii 31, Kiambu 30, Uasin Gishu 28, Meru 23, Machakos 14, Nyandarua, Trans Nzoia 13, Kajiado, Wajir 11, Embu 10, Lamu, Mombasa 9, Tharaka Nithi, Turkana 8, Isiolo 7, Bungoma 7, Murang’a 6, Kirinyaga 5, Laikipia 5, Garissa 5, Elgeyo Marakwet 4, Kericho, Siaya 4, Taita Taveta 3, Kakamega 3, Busia 3, Homa Bay 2, Bomet 2, Migori 2, Narok 2, Kisumu 2, West Pokot 2, Kilifi, Kitui, Kwale na Makueni ikiandikithia mundu umwe wa kaunti.
Aria mavorete makinyite 236,803 ino ni vuva ya arwaru engi 634 kuvora. 540 maramenyagirirua kuuma mucii naao 94 makirekererua kuuma mathivitari matiganite guku vururiri.
Kavindari wakau andu 15 nimatoretue ni murimu uyu, gikuu kimwe nikio kiumirite rungu rwa mathaa 24 mavituku nacio 14 ni iria ciacererue kumenyithanua na iria ciaumire mweri wa kanana na uyu wa kenda.
Namba ya aria makuite ikinyite 4,980.
Kaari wa Mugendi
Mbica irutitue online
