Andu atano aria makuruvanitue na gikuo kia wakili Willie Kimani, client wake Josephat Mwenda na ndereva Joseph Muiruri magakorwa magiiteterera ino ni vuva wa igoti ria Nairobi gutua atano aya mari na ciira ya gucokia.
Njanji Jessie Lessit umunthi uyu augite mwena wa nthitango niwonete atano aya aria ni maavitha ana a vorithi na raiya umwe mai na ciira uyu wa gucokia.
Riu mageterera na mavecane aira ao mbere ya itua ria mwico gwocwa.
Wakili Willie Kimani, Josephat Mwenda na ndereva Joseph Muiruri mauragirwe mwaka wa 2016 nwati ciira ino ikoretwe ikigucua vuva vari miaka iri riu.
Tayari aira 46 a mwena wa nthitango nimavecanite uira wao niundu wa ngero ino iria yacangire ikuo cia athatu aya na miiri yao gutewa runjii rwa Oldonyo Sabuk kuria macokire kwoneka kiumia kimwe vuva wa kuura kwao.
Mbica irutitwe online
-Mbuya Ngari-
