Cukuru wa Ofafa Jericho High mwena wa Nairobi niuvingitwe vandu va mithenya ithatu vuva wa mwaki gututhuka igoro utuku mathaari ma thaa igiri na gutiga arutwa amwe na ngurario.
Arutwa a form 4 magacoka cukuru Jumaa namo arutwa a form 1, form 2, na form 3 magacoka cukuru Jumatatu.
Athuthuria a kiumo kia mwaki na maavithaa a vorithi nimathiite nambere gucarania na kiria kiracangira mwaki uyu uria uravivirie nyomba imwe ya kumama.
Arutwa matanyivirite 40 makomete civitariri ya Metropolitan mwena wa Buruburu niundu wa riera ria carbon riria maragucirie mutinori ucio, arutwa 15 namo nimathondeketwe na gwitikirua kwinuka micii.
Kavindari wa kau cukuru wa Sigalame High mwena wa Funyula kauntiri ya Busia wanayo niivingitwe vuva wa mwaki kuvivia nyomba imwe ya kumama utuku wa igoro.
Uyu niguo mwaki wa kana gututhuka cukururi ino kuma kuvingurwa gwa term ino.
Murungamiriri wa kithomo kaunti nini ya Samia Dominic Opee augite arutwa nimathii nambere gwikara micii nginya riria uthuthuria wa kiumo kia mwaki uyu ukarika.
Mbica irutitwe online
-Mbuya Ngari-
