Minista wa energy Charles Keter na murunawe John Munyes wa petroleum and mining nimaregete gwikinyia mbere ya kamiti ya senate ya Energy muthenya wa umunthi varia marevoketwe gwikinyia niguo gucokia ciuria ciigia kwambatirira kwa thogora wa maguta kiumia kivituku.
Vuva wa kurua gwikinyia mbere ya senate ,Keter augite thogora wa maguta nduri rungu rwa ministry yake nwati uri rungu rwa ruvonge rwa Petroleum.
Mwenari wake CS Munyes uria kavidari gaka uri nja ya vururi auritie gikaro giki kugendagendua nginyagia muthenya wa Jumatano ya kiumia giuku.
Riu masentor nimamenereretie itua ria airi aya kurega gwikinyia kamitiri ya senate varia maugite nimagukorwa makiaririria ndeto ino makiria.
Murata wa kamiti ya senate, senator Moses Wetangula nukumite macokia ma Keter ,ke ndarumbuyagia maundu meggie thogora wa maguta ,varia augite maguta na thitima niiravutania.
Wauguo akiuga Munyes nungirakanjire thavari yake ni kwona kwambatira kwa thogora wa maguta gucungiririte kwambatira kwa thogora wa indo cionthe .
Mwenari wake senator wa Narok, Ledama Olekina niworotete mbunge nikuvitukia kurivira petroleum goti wi iguru.
Mwenegiti wa kamiti ya senate ya energy Ephraim Maina augite senate niigucukuma gutigira goti uyu nurathii nthi niguo mwingi utige gukanyirirua kuumana na kwambatirira kwa thogora wa maguta.
Wanja wa Njiru
Mbica irutitwe online
