Dagitari uria arekuagirwa kuraga ciana ciake igiri na njira ya kumamunda cindano Nakuru niakuite.
Commanda wa vorithi countiri ya Nakuru niekirite ndeto ino kerore varia augite Dagitari Gikara akuirite thivitariri ya Nakuru Level 5 kurai ararigitagirwa vuva wa kugeria kwiyuraga.
Dagitari uyu ethirwe nyomba gwake Milimani apartments Nakuru muthenya wa jumamosi vamwe na ciana ciake igiri cia miaka 3 na 5 ikuite nake ageretie kwiruta muoyo.
Maavitha a vorithi maugite nimethire dawa, cindano cia thivitari ino ndumire vamwe na kaviu nyombari ya dagitari uyu.
Commanda wa vorithi Kiraguri augite uthuthuria uria mekire nyombari ino wonanitie dagitari uyu auragire ciana ino na njira ya kuitheca cindano na dawa iria muthemba wayo utamenyekanite gukinyagia riu.
Mbica irutitwe online
Njagi Ndathi
