Mwiri wa mundu wingi umwe niwonekanite iriari ria Victoria na gukinyia andu aria makuite gukorwa mari athatu nario icaria ria andu engi 8 aria mataramenyekana kuria mari rikithii nambere umunthi vuva wa itaru riao igoro kivwai kurikira iriari riri ria Victoria kauntiri ya Homa Bay.
Icaria riri riratwarithua nambere mita 500 kuma varia mutino uyu urekikire na uria uratigire andu airi mari akuu namo engi anana makivonokua.
Kuringana na mutwarithia wa itaru riri na uria ukomete civitari vamwe na andu engi ana, ni ati andu 19 nimo marari itaruri riri.
Maavitha aria magwatanirite icariari riri ni maavitha kuma Kenya Coast Guard Service (KCGS), Kenya Maritime Authority (KMA), the Beach Management Unit (BMU) na ruvua rwa kurua na moogwati matiganite kauntiri iyo.
Ndeto ino ithithuritie uria andu aria matumagira mataru makoragwa matakurumirira makinyo ma kwigitira cavariri ciao.
Mbica irutitwe online
-Mbuya Ngari-
