Miiri ingi iri niyonekanite muthenya wa umunthi iriari ria Victoria vuva wa itaru kuvorokera Pier Beach kauntiri ya Homabay .
Riu namba ya andu aria makuite mutinori uyu ikinyite 4 vuva wa andu airi gukuwa muthenya wa igoro .
Miiri ingi 7 iria itigarite nwaithiite nambere na gucaranua nayo .
Andu aya 7 ni gatagati ka andu 19 aria marari itaruri riria riraumite pier Beach rithiite Ndhuru beach gicigo mbunge kia Suba ya iguru.
Mwiri wa mutumia na mwana umwe niyo ironekanira kivwai kia muthenya wa igoro na andu 8 nimaravotire kuvonokua na kuvirua thivitari kuria mathiite nambere na kurigitwa.
Kamishina wa kaunty ya Homabay Moses Lilan augite kuri na team iria ithiite nambere na gucarania na miiri kuuma Kenya Maritime Authority ,Kenya coast Guard services,Beach management unit vamwe na ruvonge rwa kurumbuiiya mitino thiini wa kaunty ino .
Lilan augite itaru riri rirakuite urito mwingi muno ari vamwe na mivuko ya thimiti ,mbau ,mavati na irio ,noguo kwagarara ikiro iria ciagiririkite undu augite nwaukorwe niguo uracangirire mutino uyu gwikika .
Kunari uguo mutwarithia wa itaru riri Felix Ouma na uria uravonokire mutinori uyu augite uracangirirwe ni kuthuka wa riera na riya iriari riri.
Wanja wa Njiru
mbica irutitwe online
