Rais wa vururi wa Uganda Yoweri Museveni niwathanite kundu kuonthe gwa kuvoera kuvingurwe nwati makinyo ma kurua na murimu wa covid-19 mathii nambere kurumirirwa niguo kurigiriria murimu uyu gutamba makiria.
Andu aria metikiritue gukorwa kanithari ni 200, namba ya aria mavatie gwikinyia moovikiri ba ciathi ciingi niyongereretwe na gukinya 200.
Wavo Museveni niwitikiritie thoko cia wa kiumia na wa mweri kuvingurwa nwati makinyo ma kurua na covid-19 marumirirwe.
Kunari uguo sector imwe ta cukuru itinavingurwa niundu wa namba nini ya andu aria tayari mavetwe njanjo cia covid-19.
Gukinyagia igoro gatagati ka arimu 550,000, arimu 269,945 nimo maamukirite njanjo ya mbere namo arimu 96,653 makiamukira ya kairi.
Mwenari wa mwiyugo kana curfew, mathaa maticenjetie ni kwambiriria thaa imwe cia kivwai nginya thaa 11 cia kiroko.
Mbica irutitwe online
-Mbuya Ngari-
