Gavana wa kaunti ya Kirinyaga Anne Waiguru niwambiriritie muvango wa kumundwa kwa njajo ya murimu wa covid 19 , muvango uria uratanya ekari a mwea guku muthenya wa mashujaa ugikuvirira.
Mambura mama ma mashunjaa marevokwa gugakorua mari kivarori kia Wan’guru na marevokwa gugakorua magikinywa ni makiri ma andu kuma vururiri, na nja ya vururi.
Waiguru akiaria ari kivarori kia Nano Wang’uru augite muvango uyu wa kumundwa kwa njajo uratanya ekari a mwea gicuji kia 30-40 vari igana gukorua mamunditwe njajo mbere ya mambura ma mashunjaa gwikika kivarori kia Wangu’uru.
Woguo Waiguru augite muvango uyu ugakorua ugikika vari kavida ka mithenya ikumi .
Ituo iria igakorua ikivecanirua njajo ni Kerugoya County Referral Hospital, Kimbimbi, Sagana na Kianyaga Subcounty Hospitals, Baricho, Gathambi, Kibirigwi, Njegas, Kutus, Kiamutugu, Karumandi, Murinduko, Kabare, Kangaita, Kagumo, Kiumbu na Mutithi Health Centers. Mt Kenya Hospital, Mwea Medical Center, Mwea Mission Hospital naKerugoya Medical Center .
Gukinyagia riu kaunti ya Kirinyaga ivecanite njajo 67,627.
Mbica irutitwe online
Mwende Jackie
