Ekuarwa 10 aria merikite gukorwa nimativangirie maavitha a vorithi aria mageragia kurugamia lori iria yakuite mivuko 400 ya cukari itakinyaniritie ikiro njirari ya Kakamega-Kisumu nimathitangitwe igotire.
Evans Ariko wa miaka 22,Geoffry Ikasalion wa miaka 28,Dan Oure wa miaka 23,Thomas Ekisa wa miaka 24,Sammy Oloo wa miaka 22,David Otieno 27,Simon Ogema 24,Kelvin Kasala 21,Winnie Muriuki 22 na Isaac Etyang wa miaka 21 nimareganite na nthitangi ino cia kurua na avithaa wa vorithi.
Ekuarwa aya nimarekereretue na bail ya ngiri 20,000 mbeca varivari kana kindu kia mwigana wa 100,000.
Igoti riritwe andu aya makuite matharaita na makivinga njira ya Kisumu-Kakamega mwena wa Makunga niguo kuvonokia mwikuarwa uria wakuite cukari utari mukunyiu gikiro.
Ciira uyu ukathikirirua Tariku 7 mweri wa ikumi.
Mbica irutitwe online
Maitha Ngari
