Uria wari minister wa maundu ma na nja vururiri wa Japan nike Fumio Kishida niucindite ithurano umunthi uyu cia kiama kia Liberal Democratic Party kana LDP kiria kiratongoria vururi uyu, uvotani uria ugatigirira niwatwika prime minister wa Japan mithenya minini yukite.
Kishida evitite gutongoria kiama giki thiini wa ithurano nene iria igwikika ciumia nini mbuku na gutongoria kuru ana murimu wa covid-19 uria uthiite nambere kunyamaria wonjoria wa Japan.
Acindire uria wari minister wa ugitiri Taro Kono thiini wa wikia wa kura ria kairi nav aria atumia airi aria ni Sanae Takaichi wa ukuru wa miaka 60 na Seiko Noda wa miaka 61 maraitthengutirie ivenyari vuva wa wikia wa kura wa mbere.
Kishida uria ugoca giturwa gia prime minister na kiria kirekariritwe ni Yoshihide Suga uria utanenda gucagurwa ringi vuva wa mwaka umwe kuma atonya oviciri, arevokwa kuthondeka cabinet njeru na gwika moogaruruku thiini wa kiama giki kia LDP kiambiriria kia mweri muku wa ikumi.
Mbica irutitwe online
-Mbuya Ngari-
