Andu magana manna ma anna nimonekanite na murimu wa covid 19 muthenya wa umunthi , namba iria yumite kuma kuri ithimi ngiri ithathatu , magana mathatu ma kenda iria ciiikitwe rungu rwa mathaa mirongo iiri na manna mavituku na gukinyia gicuji kia aruaru a murimu wa covid 19 kiri 6.4 vari igana.
Namba ya aria monekanite na murimu wa covid 19 vururi ikinyite ngiri magana mairi ma mirongo inna na kenda , igana rimwe ria mirongo mugwaja na anna nacio ithimi igikinya ,millioni ingiri , ngiri magana matano ma mirongo inna na kenda , magana kenda ma mirongo kenda na ithathatu.
Kuma kuri namba ya umunthi akenya ni 390 ,14 maumite nja ya vururi , 206 ni anduarume nao atumia mari 198uria munini muno ni mwana wa mithenya itandatu nake uria mukuru muno aina ukuru wa miaka igana rimwe ria itandatu.
Kaunti ya Nairobi niyo itongoretie na namba ya aruaru 66, Nakuru (47), Nyamira (45), Kisii (28), Siaya (20) na Uasin Gishu (19).
Woguo andu 231 nimavorete murimu wa covid 19 muthenya wa umunthi varia 159 mararoragirirua kuma miciiri yao nao 72 makirekererua kuma mathibitari matiganite vururi. Namba ya aria mavorete murimu wa covid 19 ikinyite ngiri magana mairi ma mirongo inna na umwe , magana manna ma ikumi na umwe .
Andu athatu nimakuite gikuo kimwe gigikika mathaa mirongo iiri na manna mavituku na ikuo ingiri ikianirirua iri ikuo njerere.
Mbica irutitwe online
Mwende Jackie
