Diocese ya Embu nikunguirite miaka 35 kuuma kwambirirua kwa diocese ino,mambura mecuritwe ni gikeno kanithari wa gatoreki wa St Lawrence Munyori muthenya wa Jumavili .
Mambura mama maambiririe na igongona ria mitha ritongoretue ni muthikavu wambere wa diocese ya Embu uria urikitie kuritire archbishop Emeritus John Cardinal Njue agitethererua ni muthikavu wa diocese ya Embu Paul Kariuki Njiru.
Muthikavu Kariuki nuuritie akristu gutuura na wigusano na gukorua matagukanyaniriria .
Na uri muthenya uria akristu makoragwa makinyitirira diocese na maruta kana self reliance, John cardinal Njue nuririkanitie akristu kuthiii nambere kunyitirira diocese varia augite kiambiriria kia diocese ino gitiari kivuthu .
Vicar general Eliud Wanyoike nukumitie cardinal Njue ni wirutiri wake na kumwedithiria kirathimo .
Mwenari wake moderator wa parish ya Cathedral Zachary Njagi nuririkanitie akristu vata wa muthenya uyu wa family day noguo kumauria kunyitirira aria mararuta wira wa Ngai
Na akristu makiereyagwa vata uyu ni mareyumirie na wirutiri munene kuvingia mwito wao varia mararutire kigina kiria magairitwe .
Wanja wa Njiru