Andu aria mari macouncilor makagunika na mbeca billion 2.6 mwaka muku wa mbeca vuva wa ruvonge rwa kigina gwitikira kumariva mbeca cia kumacokeria ngatho ni utungata wao.
Ndeto iria yukite vuva wa macouncilor ama gukorwa magicukuma kurivwa mbeca ino cia kumacokeria ngatho na mbeca cia wa mweri iria ciari ikinye billion 22, nwati ruvonge rwa kigina rwarega.
Kuringana na ruvonge rwa kigina, maconcilor aria matungatire makiria ma term 4 aria ni 328 makarivwa ciringi 664,000 wa mundu namo aria matungatire rungu rwa term 4 aria ni 11,919 makarivwa ciringi 200,000 wa mundu.
Makithikiriria matua mama kuma kuri minister wa kigina Ukur Yatani, kamiti wa wira mbungeri ya senate nimakumite gucerithirua kwa mbeca ino vari mwaka wingi umwe na wavo kuuga mbeca cia aria matungatite makiria ma term 4 ni nyingi muno.
Riu macouncilor ama nimauritue ni minister uria urari wa wathani wa matura Eugene Wamalwa gwitikira mbeca icio maravewa ni ruvonge rwa kigina niundu iri na kava gukira kurega kuvewa.
Mbica irutitwe online
-Mbuya Ngari-
