Igoti rinene kauntiri ya Embu nirirekereretie ekuirua airi aria makuruvanitwe na mburago ya mundumurume umwe.
Samuel Musyimi Mutemi na Genesio Mugambi Kathuri mathitagitwe na mavitia ma kuraga Marclus Fundi Njiru mwaka wa 2017.
Kunariuguo mucirithania Lucy Njuguna augite gutiri wiira mwiganu wa gukuruvania ekuirua aya airi na mburagano na iria yekikire mweri wa kathatu tariki 8 mwaka wa 2017 iturari ria Kanthenge Mbeere ya iguru.
Njiru na uria wakwirire thibitari wa karira kurerikana niwerite mutumia wake aria mamutharikire .
Kuringana na wira uria urutitwe igotiri mutigairi nikwa menukite na murata wake mathaari ma thaa ingiri cia utuku kavida karia matharikirue ni anduarume airi.
Kuringana na rivoti ya post –mortum mutigairi akwire kumana na ndivagio iria cionekete kuringwa na kindu gituvu kiongori .
Mbica irutitwe online
Mwende Jackie
