Materava a ngaari tauniri ya Embu nimauritie iravu na nduka cia wine and spirits iria iri stagiri ivingwe niundu niiraiga miturire yao na ya arutwa ugwatiri.
Ivoya riri riukite vuva wa arutwa amwe kwonekana magitonya iravuri na ndukari ino cia wine and spirits riria meetererete gutonya ngaariri cia kumatwara kundu ngurani vuva wa cukuru kuvingwa.
Matereva ama ma ngaari na aria marecuritwe ni marakara maugite iravu ino niiramava kavinda karito riria mararuta wira wao na wavo kumatonyia ugwatiri niundu thaa ciingi nimagucagirirua kunyua niundu iri vakuvi.
Kimanthi Nyaga uria ni ndereva augite arutwa mavinda mengi matumagira materava ama kumagurira njovi kuma iravuri na ndukari ino.
Kiriro giki kia matereva nikigwatitwe mbaru ni Sacco iria irorota thirikari ya kaunti niundu wa kuvecana marua cia uruti wira cia mbiacara ino kurutirwe stagiri.
Mwenegiti wa sacco ya KETNO nike Patrick Warui augite iravu ino na nduka ino cia kwenderia njovi niiratuma matereva meeke mitino niundu amwe maratwara ngaari mari arie undu umacukumite kwambiriria kuthima matereva ao na kumeekirira watho wa gwikira uniform.
Mbica irutitwe online
-Mbuya Ngari-
