Atongoria a dini kauntiri ya Taita Taveta nimorotete kwingiva gwa ciiko cia ciana nini kwova nda kauntiri ino.
Kuringana na data iria ivecanitwa ni mwaria wa gikundi kia kuruwa na mbara cierekeretue kuri andu kana sexual and gender violence Violet Mkaburi , niati eritu anini 2,000 nimovire nda gatagati ka January na mweri wa kanana mwaka uyu wa 2021.
Wauguo augite namba ino niyambatirite muno mwaka uyu ikiringithanua na mwaka muvituku varia kwandikithurua eritu 1,428 ari movete nda cia tene.
Akiaria vindi ya mambura mama maria marathodeketwe ni gikundi kia Youth for Sustainable Development mari ngwataniro na Volunatry Service Overseas ,muvujia wa kanitha wa Liberty,Robert Mwangala augite atongoria a dini magirirwe kwingirua thiini wa mutaratara wa kurua na ciiko cia eritu anini kwova nda.
Mwenari wake murungamiriri wa mithako ,mbeu mbithi ,gender na unduire kauntiri ino Wallace Mwaluma augite kuvurana na ciiko ino nikuravatara andu kunyitanira .
Wanja wa Njiru
Mbica irutitwe online
