Maavitha a vorithi Kapenguria nimavingirite mundumurume wa ukuru wa miaka 29 na uria aramenyeka ta Nelson Baraza kana TupaTupa vuva wa kuraga mwendwa wake na kwivira gituori kia vorithi.
Mwikuirwa uyu arekinyirie gituori kia vorithi na avoya avirwe oficiri ya maavitha a uthuthuria wa wiki nai varia aramerire niwauraga mwendwa wake na ndarenda andu mate mathaa makimucaria.
Niaracokire avoya maavitha aya mathii amavire varia arekire giiko giki kilometer 10 kuma gituori giki.
Mwikuirwa uyu arerire maavitha a vorithi arauragire mwendwa wake uria aramenyeka ta Egla Chepkorir wa ukuru wa miaka 20 niundu wa gukorwa na ndugu na mundumurume wingi na aramuvenererie matonyere mbemberi varia aramuragire na njira ya kumunyonga na leso.
Mbica irutitwe online
Njagi Ndathi
