Mundumurume Ezra Kipkorir Koech uria wauragire murutwa wa cukuru wa university ya Laikipia ico Jumatano niukuite umunthi kiroko akiamukira urigiti civitariri ya Nyahururu.
Koech uria wirikite ni murutwa wa mwaka wa kana na uria urekaga kosi ya engineering cukururi wa Dedan Kimathi university akuite kumana na ndivangio iria aragire kumana na ndivo ya mwingi.
Ino yukite mithenya iri vuva wa kumunda na kuuraga Gertrude Chepkoech uria urari murata wa mwiritu uria araceragira na uria urari murutwa wa mwaka wa mbere wa kosi ya English Literature.
Koech arari mutinie ngingo na ivu undu uria aria marayonere maraugire nike uraitemire vuva wa kumenya Chepkoech niwakua.
Mary Kiema uria ni komanda wa vorithi wa kaunti nini ya Nyahururu augite nwamathiite nambere gweterera andu a mucii wake kwiyumiria.
Mbica irutitwe online
-Mbuya Ngari-