Komishon ya kuramata ithurano na mivakao IEBC niyaniririte igakorwa ikiandikithia kimenyithia ngathitiri ,gia tariki ya kithurano kia mwaka ukite tariki 19 mweri wa January.
Thiini wa ndumiriri iria IEBC ivecanite muthenya wa umunuthi , niyaniririte mogaruruku thiini wa tariki iria ciama cia giuteti ciagirirwe gukorwa ivecanite maritwa ma avuraniri ,varia medekithitie ciama ino gukorwa cianiririte avuraniri aya tariki 26 mweri wa gatano mwaka wa 2022.
Kuringana na ndumiriri iria yavecanitwe na vau kavere ciama cia giuteti ciagirirwe gukorwa ciikite ithurano nini na kuvecana muvuraniri kwambiriria tariki 16 mweri wa kana mwaka wa 2022 nginyagia mweri wa gatano tariki 19.
Mweri muvituku mwenegiti wa IEBC Wafula Chebukati niwaugire kithurano kinene kia mwaka muku gigekika tariki 9 mweri wa kanana na akiuga gutiri na mivango ya gucejia tariki ino.
Wauguo niwanirire tariki cia kithurano ni undu uri thiini wa katiba na gutiri na maavinya mangicejia tariki ino.
Wanja wa Njiru
Mbica irutitwe online
