Thirikari ya vururi wa Angola niyaniririte ati raiya a vururi ucio onthe aria ni a ukuru wa miaka 18 kuthii iguru iri vamwe na atumia aria movete nda nwanginya mavewe njanjo ya murimu wa covid-19 mbere ya tariki 14 mweri uyu wa ikumi.
Vuva wa muthenya uyu gukinya, kuthii micemaniori ya mwingi na magongona ma andu engi gukavatarika kuvecana certificate ya kwonania mundu nimucanje kana marua ya kwonania mundu ndari na murimu wa covid-19.
Muthenya wa igoro Angola marandikithirie arwaru engi aceru 664 a murimu uyu kiriga, namba iria niyo nene muno kuma murimu uyu gukinya vururiri ucio.
Gukinyagia riu, vururiri uyu uria uri mututhukori wa kathatu wa covid-19, wandikithitie arwaru 57,247, ikuo ikiandikithua 1,548 namo aria mavorete ni 47,950.
Mbica irutitwe online
-Mbuya Ngari-
