Namba ya andu aria monekanite na murimu wa covid-19 vururiri wa Kenya makinyite andu 249,725 vuva wa arwaru engi 291 kwonekana na murimu uyu umunthi vuva wa ithimi 6,501 gwikwa.
Giki ni gicunji ki 4.5 na gukinyagia riu ithimi 2,562,723 nicio ciikitwe kuma murimu uyu wakinya vururiri uyu.
Akenya ni 282 namo 9 maumite nja ya vururi varia anduarume ni 160 namo atumia mari 131, uria munini ni mwana wa mieri 5 nake uria mukuru ari na miaka 100.
Kaunti ya Nairobi niyo itongoretie na arwaru 80, Makueni 36, Muranga 25, Nakuru 18, Meru na Kisii 13 wa kaunti, Uasin Gishu 9, Marsabit 8, Machakos 7, Kericho, Busia na Laikipia 6wa kaunti, Turkana, Bungoma na Garissa 5 wa kaunti, Kirinyaga, Mombasa, Narok, Nyeri na Siaya 4 wa kaunti, Kajiado, Kiambu, Nandi na Kitui 3 wa kaunti, Embu, Baringo, Kakamega, Lamu na Tharaka Nithi 2 nacio kaunti cia Vihiga, West Pokot, Kisumu, Kilifi, Migori, Nyandarua na Tana River ikiandikithia umwe wa kaunti.
Kunari uguo andu engi 308 nimavorete na gukinyia andu aria mavorete gukorwa mari 241,828. 208 maramenyagirirwa mari micii namo 100 marari civitariri itiganite.
Kavindari wa kau andu engi 5 nimakuite. Aria riu makuite kumana na murimu uyu makinyite 5,128.
Mbica irutitwe online
-Mbuya Ngari-
