Mundumurume wa ukuru wa miaka 32 iturari ria Kipreres kauntiri ya Bomet nuragite mutumia wake na njira ya kumutema mumerori na vuva wa uguo kugeria kwiyuraga na kunyua thumu vuva wa ngucanio niundu wa mukovo uria marai naguo.
Agikira kirore ndeto ino civu wa wa mwena uyu Robert Kattam augite mwiri wa mutumia uyu withirwe mita nini kuuma varia nyomba yao iri.
Ekari aria marecuritwe ni marakara nimengirire nyombari ya mwikuirwa uria uramenyekana ta Nickson Sang na kumwithira ari na ururu mwingi vuva wa kunyua thumu.
Kunari uguo athuri a itura na atongoria a nyumba kumi nimararigirie ekari aya kugera mundumurume uyu ngero varia maramuvirire thivitari wa Longisa kuria aramukira urigiti.
Mbica irutitwe online
-Wanja Njiru-
