Muruiri wa ivoto cia arimi kauntiri ya Embu John Njiru Kathangu niuritie arimi a manjani gutiga kworota arungamiriri aceru a ithii cia manjani niundu wa bonus nini iria maravewa thaa ino niundu arungamiriri aria akuru nimo mavitukirie bonus ino.
Kathangu augite bonus iria irarivwa mwaka uyu yavitukirwe ni madirector aria akuru na uguo gutiri undu madirector aria aceru mangiekire.
Kunari uguo niuritie arimi gutiga kuringithania bonus ya mwaka uyu na ya mwaka muthiru niundu vuva wao guteta nimaaririrue na mongererwa mbeca cia wa mweri iria magwatire kurivwa ciringi 21 kuma kuri cingiri 16. Erite arimi uyu mwaka wana ni mwega gukira mwaka muthiru na maundu makathii nambere kwaruva.
Riu arimi nimauritue kuvorera na gutiga guteta nwati meterere gukathima kana arungamiriri ama aceru a ithii cia manjani nimararuta wira, na bonus ya mwaka muku wa 2022.
Mbica irutitwe online
-Mbuya Ngari-
