Thirikari ya vururi wa Kenya niyongererete kavinda ka mwiyugo kana curfew na mithenya ingi
30 iri ikinyo rimwe ria makinyo maria mekiritwe ma kurua na murimu wa covid-19.
Akianirira ndeto ino umunthi, minister wa ugima wa mwiri Mutahi Kagwe augite gicunji kia
aria maronekana na murimu uyu iri wa iguru na uguo gukorwa kuri na vata wa kwongerera
kavinda ka kurumirirwa kwa makinyo ma kurua na covid-19.
Mathaa ma mwiyugo maticenjetie nwa kuma thaa inya cia utuku nginya thaa ikumi kiroko.
Makinyo maria mengi ma kurua na murimu nwamakuthii nambere kurumirirwa maria ni
mathaa ma uruti wira iravuri na mikawari wa undumwe na gukanjwa kwa micemanio ya
mwingi.
Gukinyagia igoro Jumaviri andu aria maronekanite na murimu uyu marakinyite 250,114 vuva
wa andu 91 kwoonekana na murimu uyu igoro vuva wa ithimi 3,435 gwikwa.
Kagwe aritie indi ya kuvingurwa kwa muvango wa gutigirira ndumiriri ciigie murimu wa covid-
19 ikamenyagwa ni andiki a movoro kuvitukira Covid-19 Online Information Portal.
Muvango uyu ugatethererie andiki a movoro gukorwa na ndumiriri nginyaniru cia murimu
uyu kiriga wa covid-19.
Mbica irutitwe online
-Mbuya Ngari-
