Ekari a Kivwe wardiri ya Gaturi South gicigo mbunge kia Manyatta Kauntiri ya
Embu mari na kindu gia gukenerera vuva wa kurimirua imwe cia varavara iria
ikoretwe ikimaumiria uthii ni MCA wa guku Fredrick Mugendi kana
Kamwigunyi , Kunari uguo mathina matithirite guku varia mauritie kurikirua
varavara iria itarikite kuthodekwa na kureterwa miradi ingi ya uthiyi wa
nambere .
Mwenari wao aria akuru guku matongoretue ni Loise Gitiri maugite
nimariganirite ni kwona wanavuva wao kwiyandikithia niguo magunike na
mbeca cia andu aria akuru , mbeca ino itianamakinyira varia mauritie thirikari
kumarumbuiya.
Riu mauritie thirikari kumarumbuiya niguo gitangiko kia gikinye muthia na
gutumirwe mutarata uria wagiririkite thiini wa kuvecana mbeca ino cia andu aria
akuru .
Kuringana na Njeru Gitararu mwikari guku augite nimeriritwe kureterwa
thivitari na cukuru vakuvi ,na undu uyu ndukinyanirite.
Riu ekari mevokete mateta mao nimakurumbuuwa niguo uthii wanambere wonekane guku
Wanja wa Njiru
