Maavitha a uthuthuria wa wiki nai DCI nimaikitie ngono raiya wa Uganda
agikuruvanua na gikuo kia mutumia wa ukuru wa miaka 25 mwena wa Nyali.
Mwikuirua uria uramenyekana ta Suleiman Mayanja erikite engirire vururiri wa
kenya kuvitukira muvaka wa Busia mweri muthiru.
Mayanja araikirue ngono kivwai kia igoro ari Nyali Cinemax varia erekite kwa
arethithite vuva wa kugera ngero ino.
Wauguo kwirikite nuratumite ndereva wa taxi amwocere indo ciake rumuri iria
akomborete nwati ndereve uyu aikua ngono na vuva wa kuthuthurua avira
maavitha aya kuria mwikuirwa arethithite .
Kuringana na rivoti ya maavitha a vorithi Mayanja na mutigairi macemanitie
gukenanira nwati matiamenyanite kavida karaca na muthenya wa kairi
mutigairi agicemania na mwikuirwa kuria ekaraga na nivo acemanirie na gikuo
giake.
Mwiri wa mutumia ucio wonirwe nja ya nyomba kuria mwikuirwa akomborete
ni murangiri.
Wanja wa Njiru
Mbica irutitwe online
