Wakiri Evans Monari na uria wari umwe wa mawakiri aria marungamiririte raisi
Uhuru kenyata thiini wa ciira igotiri ria ICC nukuite.
Kuringana na mwaria wa mucii Ken Monari wakiri uyu akuire utuku wa
kuramukira umunthi ari thivitari wa Nairobi gicigo kia andu ari akandiririe muno
kana ICU vuva wa gukorwa na ndwari ya kavida karaca .
Kwirikite wakiri uyu nukoretwe na thina wa ciiga cia mwiri cia ndari .
Monari ni gatagati ka mawakiri aria makoretwe makirumbuiya ciira imwe nene
muno.
Mutigairi akoretwe ari advocate wa igoti rinene vururiri .
Wauguo niwarungamirire uria wari kamishina wa vorithi Hussein Ali uria
wathitangitwe na mavitia ma kwagarara ivoto cia umundu igotiri ria ICC vuva
wa mbara ya vuva wa kithurano kia mwaka wa 2007-2008 gututhuka vururiri
wa Kenya
Wanja wa Njiru
Mbica irutitwe online
