Mutongoria wa kiama kia ODM Raila Odinga niugite gukorwa na account ciingi nja ya vururi uyu ti nai angikorwa mundu akavota kwereithia uria aivingurire.
Miario ino aritie umunthi varia augite mworoto munene uvatie kumenya uria mbeca iria iri accountiri icio ciagirwe.
Ino yukite vuva wa kumenyekana ati rais Uhuru Kenyatta na amemba atandatu a mucii wake mari na kambuni itiganite cia siri nja ya vururi uyu.
Imwe ya kambuni iria mari nacio ni Varies iria yambirirue mwaka wa 2003 varia Mama Ngina Kenyatta na rais Kenyatta nimo beneficiaries a kambuni ino.
Iyo ingi ni Milrun International Limited iria yambirirue mwakari wa 1999 ni Mama Ngina na amwarwa ng’ina Kristina na Anna mwena wa British Virgin Islands.
Akivecana macokio make ndetori ino rais Uhuru Kenyatta niucokeretie ngatho andiki a movoro aria marekire uthuthuria uyu na kuuga undu uyu ugatigirira kuri na utheri wa kimbeca mavururiri na makiria Kenya.
Mbica irutitwe online
-Mbuya Ngari-
